A produción de Krauskopf, ademais de beber do romanticismo, tamén ten influencias do suprematismo ruso, dirixido por Malevich, e da pintura de campos de cor promovida pola escola de Nova York, que anticiparía estilos como os de Mark Rothko e Barnett Newmann, aos que o artista alemán sempre investigou. Ao longo da súa carreira, Krauskopf uniu tradición e contemporaneidade a través dunha linguaxe abstracta coa que configura vistas de varios formatos, na que inclúe outras paisaxes que o espectador descubrirá se observa detidamente.

Nado en Leipzig en 1966, onde se formou na Hochschule für Grafiklaind Buchkunst, actualmente vive e traballa en Berlín. Dende o comezo da súa carreira participou en numerosas exposicións como as realizadas no Mies der Rohe-Haus, no Kunst Rottweil Forum ou no Kunsthalle Lingen, o Berlin Clondyke en Canadá e o Kunsthaus Kaufbeuren, entre outras. Do mesmo xeito, a súa obra pode verse en numerosas coleccións públicas e privadas.