A exposición Múltiplos – Carpe Diem Editions está formada por unha selección de edicións limitadas de obras de artistas que integran a programación de Carpe Diem Arte e Pescuda, centro de produción de arte contemporánea en Lisboa. Preséntase como un gabinete de coleccionista, un espazo aberto no que o espectador poderá gozar de propostas de máis de 40 creadores actuais, todas elas alcanzables e de calidade. Durante o percorrido da exposición poderase contemplar unha proxección sobre o proceso creativo.
