Antonio Murado

Libro de artista

Texto:
María de la Vega
Dirección de Arte:
Antonio Murado
Miriam Pérez
Carolina Núñez
Fotografía:
Antonio Murado, Pascal Perich,
Peter Gabriel, Laura Tabarés
y Pablo Mella.
Papel:
Symbol Tatami White 135g/m2
Impresión:
Alva Gráfica
Encuadernación:
Legatoria Artes Gráficas
ISDN:
978-84-09-34875-6
Ir a tienda

Coincidindo coa exposición Lenzo na galería, en novembro de 2021, preséntase un libro de artista de Antonio Murado. Unha singular e coidadosa publicación editada e publicada por Vilaseco, con texto de María de la Vega.

O texto do libro é froito das conversacións mantidas entre a historiadora e o artista en diversas ocasións tras a súa visita no seu estudo en New Xersei en 2017.

“Estas breves reflexións sobre a obra de Antonio Murado forman parte dun libro que ten moito de metáfora visual. A metáfora dun lector que non se conforma coas imaxes que ve e arrinca follas para atopar entre as que quedan asociacións imposibles, ocultas pola disposición das páxinas. A metáfora dun libro antigo no que o branco do papel ten xa certa pátina ou dun libro destripado no que quedan ás descuberto imaxes que se tocan sen ningunha orde”. María de la Vega

Con esta publicación Antonio Murado adopta o libro como ferramenta de creación, como obxecto de arte co que rompe as regras do deseño editorial, xogando sen andrómenas co papel e as imaxes, a inmensa maioría fotografas realizadas polo propio artista que nos ensinan os espazos nos que pinta e traballa, como o seu estudo de New Xersei ou a súa cabana da montaña de Catskill, ao noroeste de Nova York.

Un libro do que se realizou unha edición de 1500 exemplares e que conta cunha edición especial de 150, encadernada a man cunha tea pintada polo pintor.